Maremma Wine and Food

  • Aumenta dimensione caratteri
  • Dimensione caratteri predefinita
  • Diminuisci dimensione caratteri
Errore
  • Simplepie detected an error for the calendar maremmawine%40gmail.com. Please run the compatibility utility.
    The following Simplepie error occurred:
    A feed could not be found at http://www.google.com/calendar/feeds/maremmawine%40gmail.com/public/full?futureevents=true&sortorder=ascending&orderby=starttime&singleevents=true&hl=it-IT&max-results=5
  • Simplepie detected an error. Please run the compatibility utility.
Home

La gran ćiasadafüch tl’Alta

E-mail Stampa PDF
Indice articolo
La gran ćiasadafüch tl’Alta
De gran inoms pro la cëna de gala
Mangé bun ô dì mangé sann
Sport y devertimënt
Tutte le pagine

La gastronomia de livel alt s’à dè apuntamënt tl’Alta Badia por le Chef’s Cup Südtirol 2009. Chësta ediziun s’à stlüt jö cun na cëna de gala, olache al é gnü trat ite 13.500,00€ por n fin de bëgn

 Gastronomia - L’Alta Badia à ospité dai 18 ai 20 de jenà l’apuntamënt enogastronomich dl ann, le “Chef’s Cup Südtirol 2009”. La manifestaziun é gnüda promoiüda dai chef che se presentëia sot l’inom de “Dolo-mitics”: Norbert Niederkofler dl restorant St. Hubertus, Claudio Melis dl restorant “La Siriola” y Arturo Spicocchi dl restorant “La Stüa de Michil”. La scomenciadia à portè adöm i mius coghi taliagn y da foradecà, che à podü presentè na ćerćia de derzades rafinades. Le Chef’s Cup liëia l’Alta Badia y la Maremma, meton l’azënt sön le gran liam danter spëisa y teritore. Tröc é stà i apuntamënć daverć al publich.Chësta ediziun dl Chef’s Cup à metü man la domënia ai 18 da sëra, cun na cëna cujinada dai chef “Dolo-mitics”. La cëna é gnüda organisada tl restorant Hug’s Wine Bar pro l’hotel Rosa Alpina da San Ćiascian, olache i ghesć à podü ćiarćé vins desvalis; inant éra jüda cun na degustaziun de Armagnac, zigari y ciuchelada. Do cëna é la festa é jüda inant pro le Wine Bar Siriola, tres a San Ćiascian, olache al é gnü degustè licörs, distilać adöm a zigari.

 
Sport y devertimënt

Le lönesc da doman s’à i mius chef taliagn y da foradecà, aturs todësc sciöche Michael Mendel, Steffen Wink y Max Tidoff, mosorè te na gara de schi sön l’ultima pert dla Gran Risa. Gara che é gnüda davagnada dai chef Rudi Obauer (1.) y Karl Obauer (2.). Terzo é gnü Martin Sieberer. Sciöche déurapista por la gara àn podü odëi personaji cone-sciüs y campiuns da n iade: Much Mayr, Ivo Rudiferia, Ro-berto Erlacher, Mario Cipollini y la baronëssa Fiffi Von Thyssen.Inant éra jüda cun na degustaziun de vins dl’aziënda Monte del Frà y cun na pasta party tla sënta dl comitê de copa dl monn, sot al sëgn di cater punć cardinai. Cujiné à deplü coghi de hotì dl’Alta Badia (Nord), sciöche inće Maura Gosio, 1 stëra Michelin, dl resto-rant La Piazzetta di Ferno (VA, Vest) , spo i coghi dl con-sorz di restoranć dl radicchio trevisan (Ost) y le famojo chef Gennaro Espo-sito, 2 stëres, dl restorant Torre del Saracino (Süd).Da sëra s’à la manifestaziun spostè sön Piz La Ila, tl Club Moritzino por le “Tuscany Maremma Wine & Food”, cun chef de restoranć de livel alt y plü tert tl Murin a Corvara, por na vodka party.


 Mangé bun ô dì mangé sann

N punt culminant de chësta ediziun dl Chef’s Cup é stada la mësa torona tignida le mertesc da doman. Le titul ê “Mangé bun ô dì mangé sann” y al é gnü baié dl liam danter la spëisa y nosc bëgnester. I chef é stà i protagonisć cun sües domandes al professur Mauro Defendente Febbrari, internist espert tles materies dl metabolism y nudriziun chimica. Le pröm intervënt é gnü fat dal chef Norbert Niederkofler: “I messun jì inant ćiaran zeruch, scovrin indô les saus autentiches liades al’infanzia”. Por Claudio Melis él important da valorisé la ćiasadafüch de livel alt; Arturo Spicocchi à baié dl’importanza danter la tradiziun y la cualité, döes componëntes che taca tóch adöm.


 De gran inoms pro la cëna de gala

La “Chef’s Cup 2009 Südtirol” s’à stlüt jö le mertesc sëra ai 20 de jenà cun la gran cëna de gala tl restorant St.Hubertus a San Ćiascian, arjignada ca da na ligna de chef che po mostrè sö les famojes stëres Michelin (indöt 12). Danter i coghi inće Giovanni D’Amato dl restorant il Rigoletto da Reggiolo (2 stëres), Andrea Berton dl restorant Trussardi Alla Scala da Milano (2 stëres), Jean-André Charial dl restorant Relais Chateaux “L’Oustau de Baumaniere“ de Baux-de-Provence (2 stëres), Valeria Piccini dl restorant da Caino da Montemerano (GR) (2 stëres), Giancarlo Morelli dl Osteria del Pomiroeu (1 stëra), Norbert Niederkofler dl restorant St.Hubertus da San Ciascian (2 stëres), Claudio Melis dl restorant La Siriola da San Ciascian (1 stëra) y Arturo Spicocchi dl restorant La Stüa de Michil da Corvara (1 stëra). Ala cëna de gala podô tó pert düć. Da paié êl le prisc de 250,00€, che gnô ortié en bene-fiziënza. Indöt él gnü trat ite chi 13.500,00€. Na pert di scioldi ti é jüda ala Costa Family Foundation dla familia Costa da Corvara, che dëida i profugs dl Tibet. Na pert ti é jüda ala LAB, por sostignì l’ospedal pediatich Santobono Pausilipon.Manfred Canins, diretur dl’Assoziaziun Turistica Badia mostra sodesfaziun por l’iniziativa: “La Chef’s Cup Südtirol é deventada öna dles plü gran manifesta-ziuns dl’Alta Badia. L’evënt rapresentëia bun la regiun y porta dant al miù ći che l’Alta Badia po i ofrì ai sciori dal punt de odüda di restoranć y dla buna ćiasadafüch: sides ti restoranć da stëres co inće tles üties, zënza desmentié la buna spëisa da paur. I ùn inće albü n gran suzes mediatich. Tröc jornalisć é rovà adalerch por chësta gran manifestaziun, sciöche le TG1 dla RAI, l’ARD Brisant y d’atri”, stlüj jö Manfred Canins. (Test: Concetta Bonaldi, Fotos: Freddy Planinschek)

http://www.lauscdiladins.com/Content/Detail.aspx?CID=10066&AID=11145
Commenti
Cerca RSS
Solo gli utenti registrati possono inviare commenti!

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

Ultimi commenti

no comments